FENESTA VASCIA

Fenesta vascia, e padrona crudele,
quanta sospire m'aje fatto jettare.
M'arde so core comm'a na cannela,
bella a quanno te sento annomenare.
Oje piglia la sperienza de la neve.
La neve è fredda a se fa maniare.
E tu comme si tant' aspra e crudele?
Muorto mme vide e non mme vuò 'jutare.

Vorria arreventare no picciuotto
Co na lancella a ghire vennenno acqua,
Pe mme nne ì da chiste palazzuotte:
Belle femmene jije, a chi vò acqua?
Se vota na nennella da la 'ncoppa.
Chi è sto ninno che va vennenno acqua?
Ed io responno co parol' accorete.
Son lagreme d'ammore, non è acqua.