'O MARENARIELLO

Oie nè, fa priesto, viene,
nun me fa spantecà,
ca pure 'a rezze vene
ch'a mmare sto a menà.

Meh, stienne sti braccelle,
aiutam' a tirà,
ca stu marenariello
te vo' sempre abbraccià.

Vicin' 'o mare
facimmo ammore,
a core a core
pe' nce spassà.
So' marenare
e tiro 'a rezza,
ma p'allerezza
stongo a murì.

Oie n`, i' tir' 'a rezza
e tu statt' a guardà,
li pisce p' 'a priezza
comme stann' a zumpà.

E vide, pur' 'e stelle
tu faie innammurà,
ca stu marenariello
tu faie suspirà.

Vicin' 'o mare
facimmo ammore,
a core a core
pe' nce spassà.
So' marenare
e tiro 'a rezza,
ma p'allerezza
stongo a murì.